Khudi Ka Sirr-e-Nihan - Allama Iqbal

 Khudi ka sirr-e-nihan La ilaha illallah

Khudi hai tegh-e-fasaan La ilaha illallah

Ye daur apne Braheem ki talaash mein hai

Sanam-kada hai jahan, La ilaha illallah

Kiya hai tu ne mataa-e-gharoor ka soda

Faraib-e-soud-o-ziyan, La ilaha illallah

Ye maal-o-daulat-e-dunya, ye rishta-o-paiwand

Butaan-e-wehm-o-gumaan, La ilaha illallah

Khird hui hai zamaan-o-makaan ki zunnaari

Na hai zamaan na makaan, La ilaha illallah

Ye nagnma fasl-e-gul-o-lala ka nahin paband

Bahaar ho ke khizaan, La ilaha illallah

Agarcheh bút hain jamaat ki aasteenon mein

Mujhe hai hukm-e-azaan, La ilaha illallah

---

Shair: Sir Allama Muhammad Iqbal

Kitaab: Bang-e-Dara

Author: 342 - Jaam-e-Arsalan